ពិធីចុះហត្ថលេខាលើអនុស្សរណៈយោគយល់គ្នាអំពីកិច្ចសហប្រតិបត្តិការលេីវិស័យ វ ប ន និងការវិនិយោគនៃអនាគតកម្ពុជារវាងក្រសួង ឧ វ ប ន ជាមួយសភាពាណិជ្ជកម្មអន្តរជាតិនៃកម្ពុជានិងជាមួយMax Syndicate តំណាងឲ្យEZE Asia
ពិធីចុះហត្ថលេខាលើអនុស្សរណៈយោគយល់គ្នាអំពីកិច្ចសហប្រតិបត្តិការលេីវិស័យវិទ្យាសាស្ត្រ បច្ចេកវិទ្យា និងនវានុវត្តន៍និងការវិនិយោគនៃអនាគតកម្ពុជារវាងក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាមួយសភាពាណិជ្ជកម្មអន្តរជាតិនៃកម្ពុជានិងជាមួយMax Syndicate (តំណាងឲ្យEZE Asia)
នៅព្រឹកថ្ងៃទី០៦ ខែឧសភា ឆ្នាំ២០២២ ឯកឧត្ដមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានអញ្ជេីញធ្វេីជាអធិបតី និងជាសាក្សី នៃពិធីចុះហត្ថលេខាលើអនុស្សរណៈយោគយល់គ្នាអំពីកិច្ចសហប្រតិបត្តិការលេីវិស័យវិទ្យាសាស្ត្រ បច្ចេកវិទ្យា និងនវានុវត្តន៍ (STI)និងការវិនិយោគនៃអនាគតកម្ពុជារវាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI)ជាមួយសភាពាណិជ្ជកម្មអន្តរជាតិនៃកម្ពុជា (IBC) និងជាមួយ Max Syndicate (តំណាងឲ្យEZE Asia) ។
ហត្ថលេខីនៃពិធីចុះហត្ថលេខានេះ គឺរវាងឯកឧត្ដម ហ៊ុល សៀងហេង អគ្គនាយក នៃអគ្គនាយកដ្ឋានវិទ្យាសាស្ត្រ បច្ចេកវិទ្យា និងនវានុវត្តន៍ នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងលោក
Poul Carey Clements ប្រធានសភាពាណិជ្ជកម្មអន្តរជាតិនៃកម្ពុជា (IBC) ។
កម្មវិធីនេះត្រូវបានប្រារព្ធធ្វើនៅទីស្តីការក្រសួង ដោយផ្ទាល់និងតាមប្រព័ន្ធអនឡាញ ក្នុងគោលបំណងពង្រឹងកិច្ចសហប្រតិបត្តិការលេីវិស័យវិទ្យាសាស្ត្រ បច្ចេកវិទ្យា និងនវានុវត្តន៍និងការវិនិយោគនៃអនាគតកម្ពុជា និងដោយផ្អែកលេីគោលការណ៍៖១-ការជំរុញតួនាទីដ៏សំខាន់នៃវិទ្យាសាស្ត្រ បច្ចេកវិទ្យា និងនវានុវត្តន៍ ដេីម្បីពង្រឹងប្រព័ន្ធនវានុវត្តន៍ជាតិ ការអភិវឌ្ឍឧស្សាហកម្ម និងជីវភាពរស់នៅរបស់ប្រជាពលរដ្ឋ និងជនបរទេសទេសចរណ៍កម្ពុជា ២-ទទួលស្គាល់តួនាទីរបស់ MISTI ជាមួយ IBC និងMax Syndicate (តំណាងឲ្យEZE Asia) ក្នុងការអភិវឌ្ឍវិស័យវិទ្យាសាស្ត្រ បច្ចេកវិទ្យា និងនវានុវត្តន៍ (STI) ដែលមានផែនទីបង្ហាញផ្លូវ STI កម្ពុជាឆ្នាំ២០៣០ ជាឯកសារគោល ៣-ជំរុញសហការគ្នាដេីម្បីគាំទ្រ និងចូលរួមក្នុងការអភិវឌ្ឍជាតិកម្ពុជា រួមជាមួយទិដ្ឋភាពនៃការបង្កេីនសន្ទស្សន៍ចំណាត់ថ្នាក់អន្តរជាតិរបស់កម្ពុជា សមត្ថភាពពាណិជ្ចកម្ម និងភាពជាអ្នកដឹកនាំក្នុងអាស៊ាន ។
ឯកឧត្ដមកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានចាត់ទុកពិធីចុះហត្ថលេខានាថ្ងៃនេះ មានសារៈសំខាន់មួយកំរិតទៀត បន្ទាប់ពីយេីងបានចុះហត្ថលេខាដូចគ្នានេះ ជាបន្ដបន្ទាប់ជាមួយវិទ្យាស្ថាននិងសាកលវិទ្យាល័យនានា ។ ហត្ថលេខាឱកាសនេះ គឺយេីងបានប្រារព្វធ្វេីជាមួយវិស័យឯកជន ក្រោមក្របខណ័ណ្ឌដៃគូរវាងរដ្ឋនិងឯកជន(PPP) ដែលជាផ្នែកមួយដ៏សំខាន់សម្រាប់ជម្រុញវិស័យការវិនិយោគ ក៏ដូចជាពង្រឹងវិស័យឧស្សាហកម្ម និងពាណិជ្ជកម្មផងដែរ ។
ឯកឧត្ដមកិត្តិសេដ្ឋាបណ្ឌិត បានទាញអារម្មណ៍ និងសង្ឃឹមថា តាមរយៈកិច្ចសហប្រតិបត្តិការនេះ ភាគីទាំងពីរនឹងឈានទៅពិភាក្សាលេីវិស័យអាទិភាពមួយចំនួនទៀតដូចជា៖ការពង្រឹងមន្ទីរពិសោធន៍ឧស្សាកម្ម-ការវិនិយោគលេីវិស័យទឹកស្អាត-ការបង្កេីតវិទ្យាស្ថានបណ្តុះបណ្តាលបច្ចេកវិទ្យាទឹកស្អាត-និងការបង្កេីតសួនបច្ចេកវិទ្យា វិទ្យាសាស្ត្រ ជាដេីម ។ ក្រៅពីនោះ ឯកឧត្ដមកិត្តិសេដ្ឋាបណ្ឌិតក៏សង្ឃឹមថានឹងទទួលបានធាតុចូលនិងកិច្ចសហការបន្ថែមទៀត តាមរយៈការចូលរួមរបស់ភាគី IBC ក្នុងកិច្ចប្រជុំកំពូលអាស៊ានស្តីពីវិទ្យាសាស្ត្រ បច្ចេកវិទ្យា និងនវានុវត្តន៍នាពេលខាងមុខ ដែលកម្ពុជាជាម្ចាស់ផ្ទះ ក្នុងនាមជាប្រធានអាស៊ានប្តូរវេននៅឆ្នាំ២០២២នេះ ។
លោក Poul Carey Clements ប្រធានសភាពាណិជ្ជកម្មអន្តរជាតិនៃកម្ពុជា (IBC) និងអនុប្រធានរបស់លោក បានវាយតម្លៃខ្ពស់ចំពោះអនុស្សរណៈយោគយល់គ្នានេះ និងផ្តល់សារៈសំខាន់ចំពោះវិស័យវិទ្យាសាស្ត្រ បច្ចេកវិទ្យា និងនវានុវត្តន៍ និងកិច្ចសហប្រតិបត្តិការទ្វេភាគី ហេីយក៏បានលេីកឡេីងពីយន្តការនិងវិសាលភាពការងាររបស់ IBC និងMax Syndicate (តំណាងឲ្យEZE Asia)សម្រាប់ជាផលប្រយោជន៍ ក្នុងវិស័យសេដ្ឋកិច្ចនៅកម្ពុជា និងទំនាក់ទំនងជាអន្តរជាតិផងដែរ ។