English 
Khmer ពិធីប្រគល់-ទទួល ដែលទទួលបានពីសមាជិកសមាគមអ្នកផ្តត់ផ្គង់ទឹកស្អាតកម្ពុជាសម្រាប់ជួយដល់ប្រជាពលរដ្ឋ ដែលរងគ្រោះក្នុងតំបន់បិទខ្ទប់
ពិធីប្រគល់-ទទួល ដែលទទួលបានពីសមាជិកសមាគមអ្នកផ្តត់ផ្គង់ទឹកស្អាតកម្ពុជាសម្រាប់ជួយដល់ប្រជាពលរដ្ឋ ដែលរងគ្រោះក្នុងតំបន់បិទខ្ទប់
-------------------------------
ថវិកាចំនួន១០.៨៧៥ ដុល្លារអាមេរិក និង២.២៦៣.៤០០រៀលត្រូវបានរៀបចំពិធីប្រគល់-ទទួលរវាង រវាងឯកឧត្ដមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តីរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងលោក ឡេង ខៀវ ប្រធានសមាគមអ្នកផ្គ់ផ្គង់ទឹកស្អាតកម្ពុជា (CWA) នៅព្រឹកថ្ងៃទី០៤ ខែមិថុនា ឆ្នាំ២០២១ នៅទីស្តីការក្រសួង ។
មានប្រសាសន៍នាឱកាសនោះ ក្នុងនាមសម្តេចតេជោនាយករដ្ឋមន្ត្រី និងក្នុងនាមថ្នាក់ដឹកនាំក្រសួង ឯកឧត្តមកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ បានសម្តែងនូវអំណរគុណ និងកោតសរសេីរ ចំពោះស្មារតីចូលរួមខុសត្រូវសង្គមរបស់សមាជិកសមាគមអ្នកផ្គត់ផ្គង់ទឹកស្អាតកម្ពុជា សម្រាប់ជួយដល់ប្រជាពលរដ្ឋ ដែលរងគ្រោះក្នុងតំបន់បិទខ្ទប់ដោយសារកូវីដ១៩ ដែលក្រសួងនឹងចាត់ចែងបន្តទៅតាមតំបន់គោលដៅ ដែលក្រសួងធ្លាប់បានធ្វេីរួចមកហេីយ ដូចជាជាមួយសាលារាជធានីភ្នំពេញរយៈពេលថ្មីៗកន្លងមកនេះជាដេីម ។
លោក ឡេង ខៀវ ប្រធានសមាគមអ្នកផ្គ់ផ្គង់ទឹកស្អាតកម្ពុជា បានមានប្រសាសន៍ថា ដេីម្បីជួយរំលែកការលំបាករបស់រាជរដ្ឋាភិបាលសមាគមបានផ្តួចផ្តេីមរៃអង្គាសប្រាក់តាមគោលការណ៍ស្ម័គ្រចិត្តក្នុងក្របខណ្ឌសមាជិករបស់សមាគមចាប់ពីថ្ងៃទី១៣ ខែមេសា ដល់ថ្ងៃទី១៤ ឧសភា ឆ្នាំ២០២១ ។ ជាលទ្ធផលសមាគមទទួលបានការគាំទ្រជាច្រេីនពីសមាជិករបស់ខ្លួន ដេីម្បីរួមចំណែកក្នុងកម្មវិធីជំនួយសង្គ្រោះបន្ទាន់ជូនដល់ប្រជាពលរដ្ឋងាយរងគ្រោះ និងជួបការលំបាកក្នុងជីវភាពប្រចាំថ្ងៃក្នុងតំបន់បិទខ្ទប់ ។
ជាមួយគ្នានេះ លោកប្រធានសមាគម ក៏បានសំណូមពរ និងបង្ហាញការប្តេជ្ញាចិត្តមួយចំនួនផងដែរ ។
បន្ទាប់មក មានការរៀបចំពិធីប្រគល់-ទទួល ថវិកា និងឯកឧត្តមកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ ក៏បានប្រគល់លិខិតថ្លែងអំណរគុណដល់សមាគមតាមរយៈលោក ឡេង ខៀវ ផងដែរ ។
